2009-09-09 Wed
上星期開始喪入名同數字...尋日同今日都入到眼花,dinner我都係食15分鐘算...
仲有百幾個未入,唔知聽日入唔入得完T_T
放工前仲要收到個谷氣電話:<
真係做到好鬼唔開心囉,唔該。
2009-08-30 Sun
考慮轉工中太多原因令我想轉工....
1. 人工不夠用 (1/3俾左屋企,敗家都去了一半...仲要食同住,想儲錢都難過人)
2. 不喜歡現在部份的工作/人事
3. 屋企人又糟
4. 份工令我生活上懶左,但又令我身體上越來越失平衡
5. 自己唔岩留係原地
十月尾完合約...
九月睇下點算好(?)
2009-07-28 Tue
La~La~La~又8月了?
我還未找到新工耶Orz...
戶口的存款仍是三位數字 囧
找人打救我www
2009-05-05 Tue
每一個星期日返工也會發火...點解?
咪就係因為一個連.iso都唔知係咩黎既電腦miss。
2009-04-26 Sun
星期六去左大會堂劇院睇舞台劇版火星人~
睇完後真係覺得唔錯...
比廣播劇版更感動!
朱公子同海怪既戲好正!!!
Otto同Xam好靚仔!!!(不過...表演技巧...有待改進)
D女角色個個都咁靚!!!(阿怡同仙女真係靚爆)
好多位都好好笑...(只要...聽得明既話 XD)
劇情方面...
都同廣播劇版大同小異,
阿優喜歡阿Zac,但阿Zac卻不敢面對自己的感情...最後傷害了很多人
不過舞台劇版比廣播劇好既係Ending...
最後阿優放了手離開,但阿Zac竟然返回cafe一直等著阿優的回來~默默地等待阿優的回來
(可惡呀~為什麼不是Good Ending!!!廣播劇版的End都沒有這個傷心)
睇完我自己覺得阿優和阿Zac的角色的性格真係反映左好多人係愛情路上的經歷...
最記得阿優既台詞:
「以前只要你開心,我就跟住你開心,
你唔開心,我就跟住你唔開心,
所有嘢就好似跟住你行一樣!
我完全唔知自己變成邊個!自己係咩人!」
阿優以為就晒另一半就會好,但最後其實都傷害了自己
(其實我覺得呢個角色都幾似以前既我...XDDD)
而阿Zac既台詞:
「我只係想好似同以前一樣,
大家一齊開心咁生活,唔想變!」
雖然到最後佢都承認了自己喜歡阿優,
但我覺得阿Zac既結局都係自己一手造成~
飲醉酒跟阿優發生關係後,卻不敢互相聯絡,
明眼人都知道阿優喜歡Zac,最後卻沒有說出什麼...
只想維持前大家的關係,卻不敢再行前一步或退後,
同好人多一樣,有了事卻只想自己的周圍...不想有什麼失去
真係好希望最後阿優回來呀....(唉~)
睇完而家有時想返都覺得好Down...
點解呢個世界好似有咁多阿優阿Zac既事發生?
點解呢個世界要咁複雜?
點解呢個有咁多歧視?
兩個人在一起真不簡單哦。
哈...都唔知有冇人睇得明我打咩~
都係算~_~
終於有同學出聲啦